Rose Ndauka: Jiheshimu ili Uheshimike

Mkali  wa  filamu  za  Kibongo, Rose  Ndauka  amesema  kuwa  katika  maisha  yake  amejiwekea  utaratibu  wa  kujiheshimu  ndio  maana  anaheshimika  na  watu  wa  kila  rika , tofauti  na  ilivyokuwa  miaka  ya  nyuma  alipokuwa  anakumbwa  na  skendo  za  mara  kwa  mara….

 

Akizungumza  na  mwandishi, Ndauka  alisema  kuwa  akili  aliyonayo  sasa  ni  ya  kikubwa  na  anaangalia  malezi  ya  mwanaye  ambaye  naye  atapenda   akuwe  akiwa  na  maadili  mema  ambayo  yatamsaidia  kujiepusha  kuingia  kwenye  dimbwi  la  vijana  wenye  tabia  mbaya….

“Najiheshimu  ndo  maana  naheshimika, ukiwatafuta  wasanii  wa  filamu  nchini  wenye  heshima  mimi  huwezi  kuniacha  kwani  najua  silaha  ya  kuheshimika  ni  kujiepusha  na  wambeya  ambao  hutoa  maneno  huku  na  kupeleka  kule, akili  za  kitoto  nimeshaziacha  na  sasa  ni  mtu  mzima  na  pia  ninaitwa  mama  mtoto,” alisema  Rose  Ndauka.

Rose  alisema  kitu  kingine  ambacho  kinampa  heshima  katika  jamii  ni  uamuzi  wa  kumpenda  kila  mtu  na  kutokuwa  na  visasi  na  mtu  kwani  wanadamu  wote  hawajakamilika  hivyo  ni  vyema  kusameheana  kila  wanapokoseana.