Nyimbo hizi mbili Tunda Man anatamani kuzirudia ndani ya Bongo hata leo yani..

Mara nyingi ukikaa na msanii yoyote kuna wimbo au nyimbo akizisikia zikipigwa au kuimbwa huwa anaguswa na kutamani zingekuwa zake huenda labda kutokana na beat au namna ambavyo wimbo huo umeimbwa na yeye kuhisi kama umekosewa kwa upande wake.

‘Leo Tena‘ ya Clouds FM ilipata nafasi ya kumuuliza swali hili Tunda Man kwamba ikitokea akaambiwa aurudie wimbo wa msanii wa Tanzania atakua tayari kurudia wimbo gani na kwa sababu gani.

Wimbo wa kwanza ambao Tunda Man kautaja ni ‘Mkasa wa Bosi‘, wimbo ambao umeimbwa na Ferooz na wimbo wa pili alioutaja ni wimbo wa ‘Kamanda’ ambao umeimbwa na Daz Nundaz.

Tunda Man alisema ametamani kuzifanya upya nyimbo hizo lakini akitafuta kisa cha kubadilisha haoni na kwake yeye anaona ni nyimbo za ajabu sana kiasi cha kutamani kuzirudia kwa mashairi hayo hayo ila kwa namna nyingine.