Heeeh!! Ama Kweli Kawia Ufike!! BIBI KIZEE HUYU WA MIAKA 103 AHITIMU ELIMU YA SEKONDARI

Kuna ule usemi usemao elimu haina mwisho au kawia Ufike!! Ni vigumu kuamini eti bibi kama huyu anaweza kuwa na moyo wa kuendelea kusoma kwa miaka aliyonayo kwa sasa, Marie Hunt kuingia kwenye headlines kwa kuhitimu masomo ya kidato cha sita akiwa na umri wa miaka 103.

Marie angeweza kuhitimu elimu hiyo miaka 87 iliyopita lakini haikuwa hivyo kutokana na sababu mbalimbali zilizomkabili.

Marie anayeishi katika mji wa Wisconsin, Marekani alishindwa kuendelea na masomo yake kutokana na kukosa fedha na hivyo kubaki nyumbani kuwaangalia wadogo zake.

Hunt alitakiwa kumaliza masomo yake mwaka 1928 lakini siku moja alitamani kutimiza ndoto zake za kusoma na sasa amemaliza masomo ya Diploma katika shule  River Valley High School.

Hata hivyo hakueleza nia ya kuendelea na masomo zaidi ya hapo lakini amesema angeweza kuwa mmoja wa wahitimu wa chuo kikuu.